Kuobžâ-Piäká Ánná teikâ Anna Margareeta Morottaja (š. 1969) lii anarâš máttáátteijee, kielâpargee, livđojeijee, jyeigee, lávloo já musikkár. Sun lii šoddâm tobdosin anarâšâi livđe-muusikärbivyevi iälláátteijen.
Sämitige alguu vuáđuld Yle já Gutsy Animations -pyevtittemfinnodâh rähtiškuottii uđđâ Muumileehi-rááiđu orjâlâškielân, anarâškielân já nuorttâlâškielân. Morottaja lii jienâčaittâlâm Muumieeni roolâ anarâškielâg rááiđust.