Twitch është një shërbim amerikan i transmetimit të drejtpërdrejtë me fokus në transmetimin e video lojërave, duke përfshirë garat e esporteve, krahas tjerash transmetimi i muzikës, përmbajtjes kreative, dhe emisione të "jetës reale". Twitch vepron në kuadër të Twitch Interactive, një filiale e kompanisë Amazon. Ai u paraqit në qershor 2011 si devijim i platformës gjeneraliste të transmetimit Justin.tv. Përmbajtja në Twitch mund të shikohet drejtpërdrejt, ose më vonë përmes VOD. Lojërat e shfaqura në ballinën e tanishme të Twitch-it renditen sipas preferencës së publikut dhe përfshijnë zhanret si lojërat e strategjisë në kohë reale (RTS), lojërat luftarake, lojërat garuese, dhe lojërat me të shtëna (first-person shooter).
Popullariteti i Twitch-it e mbuloi plotësisht atë të homologut gjeneralist. Në tetor 2013, webfaqja pati 45 milionë shikues unikë, dhe deri në shkurt 2014 u konsiderua burimi i katërt më i madh i trafikut online në SHBA. Megjithatë kompania prind e Justin.tv u ribrendua si Twitch Interactive për ta reflektuar atë ndryshim fokusi — Justin.tv u mbyll në gusht 2014. Po atë muaj, shërbimi u ble nga Amazon për 970 milionë dollarë amerikanë, që solli më vonë bashkëveprimin e tij me Amazon Prime, shërbimin e tij me abonim. Twitch bleu në 2016 Curse LLC, një operator të komuniteteve online rreth video lojërave, dhe solli mënyra për t'i blerë lojërat përmes lidhjeve në transmetime bashkë me një program që i lejoi transmetuesve të marrin komisione mbi shitjet e lojërave që i luajnë.
Kah viti 2015, Twitch pati më shumë se 100 milionë shikues në muaj. Në 2017, Twitch ishte prijës i shërbimeve për transmetimin e video lojërave në SHBA, dhe pati avantazhin mbi YouTube Gaming, që e mbylli aplikacionin vetanak në maj 2019. Që prej shkurt 2020, Twitch pati 3 milionë transmetues aktiv çdo muaj, me 15 milionë përdorues aktiv çdo muaj dhe afro 1.4 milionë përdorues njëkohësisht. Që prej maj 2018, Twitch pati mbi 27,000 kanale partnere. Që prej tetor 2023, Twitch ishte webfaqja e 37-të më e vizituar në botë, me 20.26% të trafikut duke ardhur nga SHBA, pastaj 7.08% nga Gjermania, dhe 5.49% nga Koreja Jugore.
^Alex Wilhelm (6 qershor 2011). "TwitchTV: Justin.tv's killer new esports project" [TwitchTV: Projekti i ri dhe i kalltë i esporteve nga Justin.tv]. The Next Web (në anglisht). Arkivuar nga origjinali më 14 qershor 2018. Marrë më 18 qershor 2018.
^Kim, Eugene (26 gusht 2014). "Amazon Buys Twitch For $US970 Million In Cash" [Amazon Blen Twitch për 970 Milionë Dollarë në Para të Gatshme]. Business Insider Australia (në anglisht). Arkivuar nga origjinali më 16 nëntor 2018. Marrë më 16 nëntor 2018.
^Hall, Charlie (16 gusht 2016). "Twitch to acquire Curse" [Twitch për ta blerë Curse]. Polygon (në anglisht). Vox Media. Arkivuar nga origjinali më 17 gusht 2016. Marrë më 16 gusht 2016.
^ ab"55 Amazing Twitch Stats and Facts" [55 Statistika dhe Fakte të Mahnitshme për Twitch]. DMR (në anglisht). 15 qershor 2015. Arkivuar nga origjinali më 15 korrik 2018. Marrë më 15 korrik 2018.
^"Audience | Twitch Advertising" [Publiku | Marketingu Twitch]. twitchadvertising.tv (në anglisht). Arkivuar nga origjinali më 15 dhjetor 2018. Marrë më 11 dhjetor 2018.