Wilton Zimasile Mkwayi (17 Disemba 1923 - 24 Kholwane 2004) bekangulabanye bebalandzeli lebaphindze babe baholi beliphiko lweMkhonto weSizwe ku African National Congress. Kantsi bekaphindze abengulomunye wemalunga lasitfupha ekucala e-Umkonto weSizwe kutsi atfunyelwe ekucecesheni imphi.
Mkwayi lophindze atiwe nga "Bri-Bri" Zimasile watalelwa endzaweni yase Chwarhu eceleni kwase Middledrift ngemnyaka wa 1923. Batali bakhe bebalimi labangakafundzi. Bekangulomunye webantfwana labasikhombisa. Mkwayi wacala sikolwa aneminyaka lelishumi esontfweni lase Presbyterian eKeiskammahoek. Wakhulela endzaweni yasemaphandleni elusa timvu netimbuti, waphindze wadlula esikolweni sekusoka.
Ngenyanga yeNdlovu emnyakeni wa 1950, wahlanganyela ku-ANC Youth League's one-day general strike futsi wahlala eNingizimu Afrika. Bekangumholi we-1952 Defiance Campaign e-Eastern Cape. Waphindze waba ngumhleli wenyonyane ye-Southern African Textile Workers Union ePort Elizabeth ekucaleni kwemnyaka wa 1950. Wasebenta njengemgcinitimali we-South African Congress of Trade Unions (SACTU). Waboshwa ngemuva kwe-Defiance Campaign ngesiteleka setisebenti letinsimbi waphunyula nenhlawulo.