Babar

Ieu artikel eusina ngeunaan ngalahirkeunna manusa. Pikeun ngalahirkeun sakumna mamalia mah, tempo ngajuru.

Ngalahirkeun nyaéta hiji prosés di mana budak dikaluarkeun ti awak indungna. Sanggeus tumuwuh di jero pianakan kira-kira 40 minggu atawa 9 bulan 10 poé mangka orok siap dilahirkeun. Dina prosés kalahiran, aya sawatara hormon anu baris ngagampangkeun jalanana kalahiran, di antarana hormon relaksin, éstrogen, prostaglandin, sarta oksitosin. Hormon rélaksin mangaruhan kana kapantengan otot dina simfisis pubis. Naékna kadar éstrogendan prostaglandin baris nurunkeun kadar hormon progésteron anu bisa ngahalangan kontraksi dingding pianakan. Hormon oksotosin baris ngaronjatkeun kontraksi dingding pianakan.

Sanggeus prosés persalinan, idung kudu ngarawat kaayaan awakna. Hal-hal anu perlu diperhatikan di antarana:

  1. Dahar kadaharan anu bergizi utamana anu ngandung loba zat beusi. Lamun dirasakeun kurang, mangka perlu ngonsumsi suplemén zat beusi kalayan dosis nurutkeun anjuran patugas médis.
  2. Ngajaga kabérésihan diri sarta leuwih hadé teu ngalakonan cara-cara tradisional anu picilakaeun, contona ngagunakeun lebu panas pikeun nyageurkrun tatu dina vagina.
  3. Ngalakonan pamariksaan sanggeus persalinan ka dokter kabidanan atawa ka para ahlina.

Sajaba kudu bisa ngurus dirina sanggeus ngalahirkeun, saurang indung ogé kudu bisa ngurus orokna sacara cageur, antara séjén kalayan méré ASI sarta kadaharan anu bergizi. Hal-hal penting anu kudu dipikanyaho indung dina ngurus orokna di antarana:

  1. Geura-giru nyusuan sanggeus ngalahirkeun, méré ASI nu mimiti kaluar (disebut kolostrum, boga warna konéng) dina orok alatan ngandung zat kakebalan ti indung.
  2. Méré imunisasi ka orok pikeun nangtayungan orok ti panyakit tépa, kawas difteri, batuk rejan, tétanus, polio, TBC, sarta campak.
  3. Méré ASI ékslkusif sahenteuna salila 4 bulan (dianjurkeun salila 6 bulan), saterusna kakara dibéré kadaharan tambahan anu ngandung gizi anu alus sarta luyu jeung umur orok.

Rujukan

  1. ↑ Luthfiyani, Lulu. Kamus Genggam Bahasa Sunda. Yogyakarta2016: Frasa Lingua. ISBN 9786026475275. Diakses tanggal 23 Nopember 2019. 
  2. ↑ a b c d e (id) Jati, Wijaya. 2007. Aktif Biologi. Jakarta: Ganeca exact. Kaca 218-219
  3. ↑ a b c d e f g h (id) Syamsuri, Istamar. Biologi Jilid II Untuk SMA Kelas XI Semester 1. Jakarta: Erlangga. Kaca 153
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.