Para sa isa sa dalawang panahong tropikal, tingnan ang Tagtuyo.
Nagdudulot ang tagtuyot ng iba't ibang epekto at pinapalala ito ng mga epekto ng pagbabago ng klima sa siklo ng tubig: isang tuyo ng sahig ng ilog sa Pransiya; bagyo ng buhangin sa Somaliland dahil sa tagtuyot; negatibong nakaapekto ang tagtuyot sa agrikultura sa Texas; nagpalala ang tagtuyot at mataas na temperatura sa mga sunog sa palumpong sa Australya noong 2020.
Ang tagtuyot ay panahon na mas tuyo kaysa sa karaniwang kondisyon.:1157 Maaaring tumagal ang tagtuyot ng ilang araw, buwan, o taon. Kadalasan, malaki ang epekto ng tagtuyot sa mga ekosistema at agrikultura ng mga apektadong rehiyon, at nagdudulot ng pinsala sa lokal na ekonomiya. Makabuluhang nagpapataas ang mga taunang tagtuyo sa mga tropiko ng tsansa na magkaroon ng tagtuyot, at maaari ring tumaas ang posibilidad ng napakalaking sunog. Pinapalala ng matinding init ang mga kondisyon ng tagtuyot sa pagtataas ng ebapotranspirasyon. Tinutuyo nito ang mga kagubatan at iba pang mga halaman, at pinaparami ang panggatong para sa sunog.
Isang paulit-ulit na tampok ng klima ang tagtuyot sa maraming bahagi ng mundo na tumitindi at nagiging mas mahirap hulaan dahil sa pagbabago ng klima, na pinepetsahan ng mga dendrokronolohikal na pag-aaral mula noong 1900. May tatlong uri ng epekto ng tagtuyot, pangkalikasan, pang-ekonomiya at panlipunan. Kabilang sa mga epekto sa kalikasan ang pagtutuyo ng latian, pagdami ng mga napakalaking sunog, at pagkawala ng biodibersidad.
Kabilang sa mga epekto sa ekonomiya ang pagputol ng suplay ng tubig para sa mga tao, mas mababang produktibidad sa agrikultura, at samakatuwid, mas mamahaling produksiyon ng pagkain. Isa pang epekto ang kakulangan ng tubig para sa irigasyon o haydropawer. Kabilang sa mga pinsala sa lipunan at kalusugan ang negatibong epekto sa kalusugan ng mga taong direktang nakalantad sa penomenong ito (labis na matinding init), mataas na gastos sa pagkain, istres na dulot ng pagkabigo ng ani, kasalatan ng tubig, atbp. Naging sanhi ang mga matagal na tagtuyot ng lansakang pandarayuhan at makataong krisis.
Mga sanggunian
↑Douville, H., K. Raghavan, J. Renwick, R.P. Allan, P.A. Arias, M. Barlow, R. Cerezo-Mota, A. Cherchi, T.Y. Gan, J. Gergis, D. Jiang, A. Khan, W. Pokam Mba, D. Rosenfeld, J. Tierney, at O. Zolina, 2021: Water Cycle Changes (sa wikang Ingles) Naka-arkibo 2022-09-29 sa Wayback Machine.. Sa Climate Change 2021: The Physical Science Basis. Contribution of Working Group I to the Sixth Assessment Report of the Intergovernmental Panel on Climate Change . Cambridge University Press, Cambridge, United Kingdom at New York, NY, USA, mga pa. 1055–1210, doi:10.1017/9781009157896.010.
↑Merzdorf, Jessica (Hulyo 9, 2019). "A Drier Future Sets the Stage for More Wildfires" [Mas Tuyong Kinabukasan, Naghahanda ng Daan para sa Mas Maraming Sunog]. Climate Change: Vital Signs of the Planet (sa Ingles). NASA.