Li Tossint c' est ene fiesse crustinne ki rvént tos les 1î d' nôvimbe, mon les catolikes. Dins les payis istoricmint catolike, c' est on fiesse-djoû.
C'est li fiesse di tos les sints.
Li fiesse di tos les sints askepia li 13 di may 609 ou 610, do trevén do Påpe Boniface IV.
Come dins tote l' Urope catolike, les djins vont so les tombes di leus djins ci djoû la, pask' i n' overnut nén ç' djoû la. Mins dins l' droet do djeu, li vizitaedje des çmintires si divreut fé li djoû des åmes (dj' ô bén, li leddimwin, li 2 d' nôvimbe.
Dispu les anêyes 1990, on fiestixh l' ewoeye del Tossint (Alowine, shijhe ås grigne-dints), li 31 d' octôbe. Bråmint des djonnes parints s' end ocupèt dipus k' d' el Tossint.
A Mlet, on n' pleut nén travayî avou des osteyes betchantes ci djoû la, pask' ôtrumint, on åreut plou acsure ene åme, pask' ele n' estént nén tertotes rintrêyes å paradis. Cisse creyance la egzistêye eto pol djoû des åmes.
Les Ortodosses fiestixhèt tos les sints a ene ôte date.