ბრაზილიაშ ფედერაციული რესპუბლიკა | ||||||
---|---|---|---|---|---|---|
დევიზი: Ordem e Progresso |
||||||
ჰიმნი: Hino Nacional Brasileiro |
||||||
ნანანოღა | ბრაზილია | |||||
უკაბეტაში ნოღა | სან-პაულუ | |||||
ოფიციალური ნინა(ეფი) | პორტუგალიური | |||||
თარობა | ფედერაციული საპრეზიდენტო რესპუბლიკა | |||||
- | პრეზიდენტი | ლუის ინასიუ ლულა და სილვა | ||||
- | ვიცე-პრეზიდენტი | ჯერალდუ ალკმინი | ||||
ფართობი | ||||||
- | გვალო | 8 515 767 კმ2 (5-ა) | ||||
- | წყარი (%) | 0,65 % | ||||
მახორობა | ||||||
- | 2022 ფასებათ | 203,062,512 (5-ა) | ||||
- | მეჭედალა | 25 ად/კმ2 (193-ა) | ||||
ედპ (ჸუპ) | 2023 ფასებათ | |||||
- | გვალო | $2.126 ტრილიონი (9-ა) | ||||
- | ართ მახორუშე | $10,412 (78-ო) | ||||
აგი (2022) | 0.754 (მაღალი) (87-ა) | |||||
ვალუტა | ბრაზილიური რეალი (BRL ) |
|||||
ბორჯიშ ორტყაფუ | UTC-2...UTC-5 | |||||
- | ზარხულიშ (DST) | ვაუღჷ (UTC) | ||||
ქიანაშ კოდი | BRA | |||||
Internet TLD | .br | |||||
ოტელეფონე კოდი | +55 |
ბრაზილია (პორტ. Brasil ), ოფიციალურო — ფედერაციული რესპუბლიკა ბრაზილია ვარ-და ბრაზილიაშ ფედერაციული რესპუბლიკა (პორტ. República Federativa do Brasil ) — სახენწჷფო ობჟათე ამერიკას. ფართობი — 8 515 767 კმ² (იკენს ობჟათე ამერიკაშ ტერიტორიაშ 47,3%-ის). მოსოფელს, ფართობიშ მეჯინათ მახუთა დო მახორობაშ მეჯინათ მაშკვითა სახენწჷფო. ბრაზილია ობჟათე ამერიკაშ დო ლათინური ამერიკაშ უკაბეტაში ქიანა რე მუჭოთ ტერიტორიაშ, თეშ მახორობაშ მეჯინათ. აკა პორტუგალიურნინამი ქიანა ედომუშამ ამერიკას, თაშნეშე მოსოფელიშ უშხუაში ლუზოფონური ქიანა რე.
ბრაზილია აშაძჷ ობჟათე ამერიკას დო უკჷნებუ თე კონტინენტიშ გვერდი ტერიტორია. სამძღო უღუ კონტინენტიშ 12 ქიანაშე 10-წკჷმა (არძაწკჷმა, ეკვადორიშ დო ჩილეშ მორკებათ). თენე რენა: ურუგვაი, არგენტინა, პარაგვაი, ბოლივია, პერუ, კოლუმბია, ვენესუელა, გაიანა, სურინამი დო საფრანგეთიშ გვიანა. არძაშე უგინძაშ სამძღო უღუ ბოლივიაწკჷმა 3400 კმ, არძაშე უმოს ჭიჭე სურინამწკჷმა - 597 კმ.
ბრაზილია ფედერალური სახენწჷფო რე, ნამუთ აკმოდირთუ 26 შტატშე (estado) დო 1 ფედერალური ოლქიშე (distrito federal). შტატეფს უღჷნა მუნეფიშ კონსტიტუცია, კანონიშდუმადვალუ ორგანო დო ჸუნა გუბერნატორეფი.