ვიკიოწკარუეს
? რე ხასჷლა თემაშენ:
2007 (ჟირ ვითოშ შკვითი) წანა — გრიგორიანული კალენდარით ვანარკი წანმოწანა , ნამუშ პირველი დღა რე თუთაშხა . თე წანა რე XXI ოშწანურაშ 1-ა დეკადაშ მა-7 წანა.
მოლინეფი
საქორთუოს
პოლიტიკა
პრეზიდენტ სააკაშვილქ ვადაშახიან საპრეზიდენტო გიშაგორუეფი დოშანჷ 2008 წანაშ 5 ღურთუთაშო , ქიანას არსებული პოლიტიკური კრიზისიშ გინაღალარო.
რუსეთიშ ელჩიქ დირთჷ ქართშა : რუსეთიშ პრეზიდენტიქ საქორთუოს რუსეთიშ ელჩი გიშეჭანუ საქორთუოშით ოთხი რუსეთიშ მენოღალეშ 2006 წანას, შპიონაჟიშ ბრალდვალუათ დოპატიმარაფაშ გეშა. ურთიართობა რუსეთწკჷმა კინე დირფათ დჷთმოსკიდუ.
რუსეთიქ გათუ ოურდუმე აკნაშაყარაშ გიშაჸონაფა საქორთუოშე ბათუმიშ დო ახალქალაქიშ ბაზეფიშ კილუათ, მორო რუსეთიშ ოურდუმე აკნაშაყარა ასე ხოლო სქიდუ აფხაზეთის „საშვიდობეფიშ“ სახეთ.
საქორთუოქ ახალ შარა აკაგჷ კოდორშა , მუთ გემანგარ კონტროლქ ჟილენი აფხაზეთის .
საქორთუოშ ხეშუულებაშ ალარინათ ობჟათე ოსეთიშ ადმინისტრაციაქ აკიქიმინჷ, ნამუსჷთ დუდენს დიმიტრი სანაკოევი .
1993 წანას, ჩეჩნეთის უგურკვილჷ ვითარაფას ფულირი ჸოფილი პრეზიდენტი ზვიად გამსახურდიაშ ნეშთი დართინეს საქორთუოშა დო მთაწმინდაშ პანთეონს დასაფულეს.
საქორთუოქ უძინჷ ოურდუმე მანინალეფიშ მუდანობას ერაყის 2000-შახ, ნამუთ ოურდუმეეფიშ მუდანობათ მასუმა სახენწჷფოთ გჷნირთჷ ააშ -შ დო გოართოიანაფილი ომაფეშ უკული თე ქიანას.
მარაშინათუთას რუსულ ოურდუმე ფურინჯიქ ნაღმი გაგჷთაჸოთჷ საქორთუოშ ტერიტორიას ოფუტე წითელუბანწკჷმა (სამაჩაბლო). ნაღმი ვაფეთქებე დო რუსეთის თე ინცინდენტიშ გეშა გამამინჯალა ვეუჭოფუ.
აზერბაიჯანის შაჰ-დენიზიშ საბადოშ ორთაშობური აირქ გემშართჷ საქორთუოშა, ნამუქჷთ ქიანას საშუალება ქიმეჩჷ რუსეთიშ ენერგიაშ იმპორტშა დოჸუნალობა აკუკუნტარებუდჷკონ.
ბიზნესი
საქორთუო, აზერბაიჯანი დო თურქეთი იჭყანა ბაქო-ქართიი-ყარსიშ რკინაშარაშ აკოგაფას გერგობათუთაშ ბოლოს. გონწყუმაშ ცერემონიაქ იტარჷ მარაბდაწკ ჷმა სუმი ქიანაშ პრეზიდენტიშ მაკათურობათ.
ბჟაეიოლ-ბჟადალიშ ავტოსტრადაშ აკოგაფაშ მაჟირა ეტაპიქ გეთუ, ნამუქჷთ ქჷნკარსხუ ქართიი-სანაკი-ლესელიძეშ ომანდარაია შარატკაცილიშ ჟირი მუნაკვათი გერგობათუთაშ ბოლოს.
ქართიშ ახალი საირქიანო აეროპორტიქ გინწყჷ ფურთუთას თურქული კომპანია TAV LLC-იშ მაკათურობათ, ნამუქჷთ თის $100 მილიონი დოლარი დაბანდჷ (ბათუმიშ აეროპორტწკჷმა ართო).
საქორთუოშ ენერგიაშ სექტორიშ პრივატიზაფაქ გეთუ მანგიშ თუთას. საართო მიშნაველეფქ $500 მილიონ დოლარს გინაჩირთჷ.
გერგობათუთას საქორთუოქ დო თურქეთიქ ხე ქჷმაჭარეს დუდიშული ვაჭარობაშ აპიჯალას, ნამუქჷთ თურქეთიშ ბაზარი გონწყჷ ქორთული პროდუქციაშ დო ქორთუ მაწარმეეფშო.
საქორთუოშა გემშართჷ ბრიტანული საბანკო გიგანტიქ HSBC .
სასუმაროეფიშ რშვილეფიშ გიგანტეფი "კემპინსკი " დო "ჰაიატი " ქართის მაღალი კლასიშ სასუმაროეფიშ აკოგაფას იჭყანა.
სპორტი
ქორთუ ძიუდოისტეფქ ევროპაშ ჩემპიონატიშ გჷმორძგვილო გჷნირთეს.
საქორთუოს სუმი მოსოფელიშ ჩემპიონი ჸუნს: ჟირი რკინებას (დავით ბედინაძე დო რამაზ ნოზაძე ) დო ართი ძიუდოს (ირაკლი ცირეკიძე ). თენა რე მაართა შვანი ბოლო 18 წანმოწანას, მუჟამსჷთ საქორთუოქ ჩემპიონო გჷნირთჷ ირ თე სპორტიშ გვარობას.
კულტურა
დუნაბადი
ღურთუთა
ფურთუთა
მელახი
პირელი
მესი
მანგი
კვირკვე
მარაშინათუთა
ეკენია
გჷმათუთა
გერგობათუთა
ქირსეთუთა
ნაღურა
ღურთუთა
ფურთუთა
მელახი
პირელი
მესი
მანგი
კვირკვე
მარაშინათუთა
ეკენია
გჷმათუთა
გერგობათუთა
ქირსეთუთა
ნობელიშ პრემიაშ ლაურეატეფი