არიალეფი, ვარდა არიედი — ინდოევროპული (პროტოინდოირანული) ბუნაშ ერეფიშ ჯოხოდვალა, ნამუეფით ბრინჯაოშ ხანას ოხორანდეს ევრაზიაშ სტეპეფიშ ტერიტორიას დო უკულ ჩქინ წანეფიშეჭარუაშახ მაჟირა ვითოშწანურას გჷნიხორეს ირანშა დო ინდოეთშა.
ტერმინი მოურს სანსკრიტული დო ირანული ზიტყვა ari-–შე (arya|arya-, ārya-). კინ მუ ზიტყვა ირანი ეტიმოლოგიურო მერსხილი რე არიალეფიშ ჯოხოდვალაწკჷმა.
ტერმინ "არიალეფქ" ევროპალ მენცარეფიშ ნახანდეფს გიშარჩქინდჷ მა–19 ოშწანურაშ ბოლო ნაანთხალს. კინ თი პერიოდშე ტერმინი ელუზჷმეს ევროპულ ერეფს, თიშ უკულ მუთ მა–19 ოშწანურაშ დაჭყაფუს მენცარულო დედასურუ ინდოევროპული ნინეფიშ გენეტიკურ ართიანობაქ.
ფართოთ რე გოფაჩილი ჩილათირი არზი თიშ გეშა, ნამჷ-და ითამ ტერმინქ აკიქიმინჷ ნაცისტური გერმანიაშ იდეოლოგეფიშით.
ამდღანერ დღას მენცარობას არძა ინდოევროპულ ერეფწკჷმა ტერმინი "არიული" ვა გჷმირინუაფუ. ინდოევროპული ნინეფიშ მოჯგირე ბუნას, ნამუშათ მიშმურს ინდური ნინეფი (სანსკრიტი, ჰინდი, ბენგალი, გუჯარათი), თაშნეშე ჩაჩანეფიშ ნინა ჯოხო ინდოარიული ნინეფი.