მეტისეფი (ფრანგ. métis, ლათინურშე misticius — ტერმინი ტრადიციულო გიმირინუაფუ ლათინურ ამერიკას დო ესპანეთის ევროპალი დო ამერიკაშ აკანურ კათაწკჷმა ესვარუათ წჷმულირი ადამიერეფიშ ეიოშინალო. ტერმინქ გიმიქიმინჷ მუჭოთ რასისტულ კატეგორიაქ თი კასტური სისტემაშ, ნამუთ ქიმინჷნდჷ ესპანეთიშ იმპერიაშ ამერიკულ კოლონიეფს. გიმირინუაფუდჷ თი ადამიერიშოთ, ნამუსჷთ ნანა ვარდა მუმა ევროპული წჷმოულობაშ ჸუნდჷ, მარა ამერიკაშ აკანობური ინდიარი რდჷ. მეტისის უმოს მერკე ნებეფი უღუდჷ, ვინემ კრეოლს, ახალ მოსოფელს დუნაბადჷ ევროპალ ნანა დო მუმაშ მაჸვენჯ ადამიერს, მარა უღუდჷ უმოს ნებეფი, ვინდარო ინდიარს ვარდა უჩაკანამს.
კოლონიალიზმიშ პერიოდის, მეტისეფქ გვალო მალას გინირთეს ლათინური ამერიკაშ თარ ეთნიკურ ბუნათ, უკვე კოლონიეფიშ ზოხორინალაშო ლჷმას, მეტისეფი შხირას დომინანტ ეთნიკურ ბუნას წჷმარინუანდეს.
ესპანური ზიტყვა მეტისი (Mestizo) მოურს ლათინურ ზიტყვაშე mixticius, მუთ ესვარილს შანენს.
მეტისეფი ბჟადალ გვერდოსფეროშ პრაქტიკულო არძა ქიანას რენა, თინეფ შქას თიჯგურა ქიანეფიშ მახორობას აკმადგინანა, მუჭოთ რე მექსიკა, ნიკარაგუა, პერუ, კოლუმბია, ვენესუელა, ეკვადორი, პარაგვაი, პანამა, თაშნეშე მორჩილ აზიას (უზბეკეთი, თურქმენეთი, ყირგიზეთი, ყაზახეთი).
რასეფიშ ესვარუა ესპანურ დო პორტუგალიურ კოლონიეფს
| |||||||||||||||||||||||||
|