As Genom oder Erbguet vom ene Lääbewääse oder vom ene Wiirus bezäichnet mä alli materielle Drääger vo de vererbbare Informatioone zämme von ere Zälle bzw. vom ene Wirus: Chromosome, Desoxyribonukleinsüüri (DNA) bzw. Ribonukleinsüüri (RNA) bi RNA-Wirus, wo bin ene RNA anstatt vo DNA as Informazioonsdrääger dient. Im abstrakte Sinn verstoot mä under Erbguet alli vererbbare Informazioone zämme.
D Bezäichnig Genom isch 1920 vom Botaniker Hans Winkler brägt worde. S Däilgebiet vo dr Genetik, wo sich mit dr Erforschig vom Ufbau vo Genom und de Wäggselwirkige zwüsche Gen befasst, wird as Genomik (ängl. genomics) bezäichnet.
D DNA vo Genom vo verschiidene Organisme, wo äntwääder für die medizinisch-farmazöitischi oder die aawändigsorientierti Forschig oder au für d Grundlaageforschig relewant si, si fast vollständig sekwenziert worde, was nid s Gliiche isch wie s Entschlüssle wie män em vilmol säit. Mä het iiri Basesekwänz uusegdunde und die über s Internet zuegänglig gmacht.
Dä Artikel basiert uff ere fräie Übersetzig vum Artikel „Genom“ vu de dütsche Wikipedia. E Liste vu de Autore un Versione isch do z finde. |