Organización Internacional pa les Migraciones | |
---|---|
International Organization for Migration (en) Organización Internacional para las Migraciones (es) Organisation internationale pour les migrations (fr) Mezinárodní organizace pro migraci (cs) | |
axencia especializada de les Naciones Xuníes y editorial | |
Llocalización | |
Sede | Xinebra |
Historia | |
Fundación | 1951 |
Web oficial | |
La Organización Internacional pa les Migraciones ye una organización intergubernamental fundada en 1951 y que s'ocupa de la problemática de les migraciones. Con sede en Xinebra, cuenta con oficines locales en más de 100 países. Trátase d'una organización creada por tratáu polos Estaos soberanos, y dende setiembre de 2016 ta acomuñada a les Naciones Xuníes.
Na actualidá, los Estaos miembros son 165 y 8 son observadores, cola adición de 76 organizaciones intergubernamentales y non gubernamentales. La OIM cuenta con una estructura flexible y tien más de 440 oficines en 150 países.
La Organización Internacional pa les Migraciones cuenta con una estructura altamente descentralizada. Esto dexó-y adquirir la capacidá pa executar un númberu cada vez mayor de distintos proyeutos a pidimientu de los sos Estaos Miembros. Dende'l 1 de xunetu de 2011, la estructura global de la OIM entiende:
La OIM ye'l principal organismu nel ámbitu de la migración, y trabaya p'ayudar a garantizar una xestión ordenada y humana de la migración, promover la cooperación internacional na materia, ayudar na busca de soluciones práutiques a los sos problemes y apurrir asistencia humanitaria a los migrantes que lu precisen, yá sían refuxaos, persones movíes o otru tipu de persones desarraigadas.
La Constitución de la OIM reconoz explícitamente el venceyu ente migración y desenvolvimientu económicu, social y cultural, según a dereches de llibertá de circulación de persones.
La OIM nació como'l Comité Intergubernamental Provisional pa los Movimientos Migratorios d'Europa (PICMME, poles sos sigles n'inglés), en 1951, mientres el caos n'Europa Occidental tres la Segunda Guerra Mundial.
Foi creáu p'ayudar a los gobiernos europeos a entamar el reasentamiento de les aproximao 11 millones de persones desarraigadas pola guerra, encargándose del tresporte de casi un millón de migrantes mientres la década de 1950.
Una socesión de cambeos de nome dende PICMME al Comité Intergubernamental pa les Migraciones Europees (CIME) en 1952, al Comité Intergubernamental pa les Migraciones (CIM) en 1980, y finalmente a la Organización Internacional pa les Migraciones (OIM) en 1989, reflexa la transición de la organización mientres mediu sieglu, pasando d'un simple comité européu de loxística a una axencia internacional sobre migración.
Dende los sos raigaños como una axencia d'operaciones loxístiques, amplió'l so ámbitu pa convertise nel principal organismu internacional que trabaya colos gobiernos y la sociedá civil p'avanzar na comprensión de les cuestiones migratories, afalar el desenvolvimientu social y económico al traviés de la migración, y defender la dignidá y el bienestar humano de los migrantes.
L'ámbitu más ampliu d'actividaes, foi acompañáu por una rápida espansión de la so estructura. De ser una axencia relativamente pequeña, anguaño trabaya con un presupuestu operativu añal de cerca de mil millones de dólares, y cuenta con una plantía de 5.400 funcionarios que trabayen en 150 países.
La OIM convirtióse nel puntu de referencia nel encaloráu alderique global sobre les implicaciones sociales, económiques y polítiques de la migración nel sieglu XXI.
Anguaño, la OIM cuenta con 155 Estaos Miembros. Once Estaos gocien del status d'observador al igual que diverses organizaciones internacionales y non gubernamentales.
Dende la so creación la OIM operó sol principiu de que la migración, en forma ordenada y en condiciones humanes, beneficia a los migrantes y a la sociedá.
Na so calidá de principal organización internacional pa les migraciones, la OIM trabaya colos sos asociaos de la comunidá internacional para:
Países Observadores |
---|
Arabia Saudita |
Baḥréin |
Bután |
Rusia |
Indonesia |
Kuwait |
Qatar |
San Marín |