Kita | Napudot wenno nalamiis a mainum |
---|---|
Taudan a pagilian | Tsina |
Naipayammo | Agarup a maika-10 a siglo SK (dagiti kasapaan a naisurat a rehistro) |
Ti tsa wenno itsa ket aromatiko a mainum a kadawyan a naisagana babaen ti panagibuyat ti napudot wenno nagburek a danum kadagiti bulong ti mula a tsa, ti Camellia sinensis. Kalpasan ti danum, ti tsa ket isu ti kaduan a main-inum iti lubong. Daytoy ket addaan iti mapakalamiis, napait bassit, ken astringente a raman a nanamen ti adu a tattao.
Ti tsa ket nagtaud idiay Tsina a kas makaagas a mainum. Daytoy ket immuna a naipayammo babaen dagidi Portugues a padi ken dagiti nagtagtagilako idiay Tsina idi las-ud ti maika-16 a siglo. Ti panaginum ti tsa ket nagbalin a nadayeg idiay Britania idi las-ud ti maika-17 a siglo. Dagidi Britaniko ket impayammoda daytoy idiay India, tapno makisalisalda iti Insik a momopolia iti daytoy a produkto.
Ti tsa ket nairagpaten gapu ti kaddana kadagiti nadumaduma a positibo a pagimbagan iti salun-at. Dagiti kinaudi a panagdal ket nagisingsingasing a ti tsa ket mabalin a makatulong a mangpabassit ti riesgo ti kardiobaskular a sakit ken dagiti dadduma a porma ti kanser, mangiragpat iti maipapan iti ngiwat a salun-at, mangipababa ti presion ti dara, makatulong iti panagtimbeng ti kaadagsen, mangpasayaat ti kontra bakteria ken kontra birasiko nga aktibidad, mangited pay daytoy ti panagsalaknib manipud iti ultrabioleta a lawag ti solar, ken mangpa-adu ti densidad ti minerales ti tulang. Ti berde a tsa ket naibagaga pay nga addaan kadagiti "kontra-pibrotiko a tagikua, ken neuroprotektibo a bileg" Nasken pay dagiti mainayon a panagsukisok tapno "napno a maawatan dagiti kontribusionna iti salun-at ti tao, ken ti panagbalakad ti kankanayon a panaginum kadagiti Akinlaud a dieta."
{{cite journal}}
: Panagtaripato ti CS1: surok a kurtasurat (silpo)
Martin, Laura C. (2007). Tea: The Drink that Changed the World. Tuttle Publishing. ISBN 0-8048-3724-4.