2. febrúar - Roosevelt Bandaríkjaforseti undirritaði fyrirskipun um að allir Bandaríkjamenn af japönskum uppruna skyldu fluttir í fangabúðir og eigur þeirra kyrrsettar.
15. febrúar - Singapore gafst upp fyrir Japönum. 80.000 breskir, indverskir og ástralskir stríðsfangar voru teknir.
26. febrúar - Kuldamet slegin víða um Svíþjóð og er dagurinn talinn kaldasti dagur 20. aldar þar í landi. 35 gráðu frost mældist á Skáni.
26. apríl - Borgin Rostock í Þýskalandi lögð í rúst í loftárásum. Tveimur dögum síðar var Lübeck lögð í rúst og loftárásir á Köln voru gerðar rúmum mánuði síðar.
7. maí - Bandaríkjamenn og Filippseyjingar gáfust upp fyrir Japönum á Filippseyjum.
21. maí - Mexíkó lýsti yfir stríði á hendur Þýskalandi eftir að þýskur kafbátur sökkti mexíkönsku skipi. Níu dögum síðar bættust Ítalía og Japan við.
8. júní - Japanskir kafbátar gerðu árásir á hafnir Sydney og Newcastle í Ástralíu.
22. ágúst - Brasilía lýsti yfir stríði á hendur Þýskalandi og Ítalíu.
23. ágúst - Orrustan um Stalíngrad hófst og stóð fram í febrúarbyrjun 1943. Talið er að í henni hafi fallið á milli 1.250.000 og 1.800.000 menn.
3. nóvember - Önnur orrustan við El-Alamein: Bandamenn hrekja brott Öxulveldin frá Egyptalandi. Meðal helstu hershöfðingja voru hinn breski Bernard Montgomery og hinn þýski Erwin Rommel.