Նանան ծնվել է 1991 թվականիսեպտեմբերի 14-ին Չոնգջույում, Հարավային Կորեա։ Մինչ իր առաջնաելույթը մասնակցել է Ասիա-խաղաղօվկիանոսյան մոդելների մրցույթին։ Ունի դիմահարդարի արտոնագիր և գտնվում է պրոֆեսիոնալների ասոցիացիայում։
Նանայի առաջնաելույթը After School-ում տեղի է ունեցել 2009 թվականինոյեմբերի 25-ին՝ «Because of You» սինգլի թողարկմամբ։ 2010 թվականի հունիսին ընդգրկվել է Orange Caramel-ի ենթաբաժնի կազմում։ Նրա առաջին մեներգը՝ «Close Your Eyes» ընդգրկվել է «Shanghai Romance» մասի երրորդ սինգլի մեջ։ 2011 թվականի հուլիսին աղջիկը դարձել է A.S.Red հատուկ մասի մի ենթամասը։ Նույն տարվա սեպտեմբերին Նանան մոդել է դարձել Tokyo Girls Collection նորաձևության ցուցադրությունների համար։ 2012 թվականին նա շարունակեց մոդելային կարիերան՝ մասնակցելով տարբեր Ճապոնական ցուցադրությունների։ After School-ի սինգլային ալբոմում, որը ստացել է «Flashback» անվանումը և Կահիի թողարկումից հետո դարձավ առաջին թողարկումը, Նանան կատարել «Eyeline» մեներգը։ Դեկտեմբերին Հելինի, Հյոնայի, Հյոսոնի և Նիկոլի հետ միասին ձևավորել է «Dazzling Red» խումբը՝ հատուկ SBS Gayo Daejun-ի համար։ Նա նաև մոդել է եղել կորեական «Juvis» ապրանքանիշի համար և մասնակցել է «Աղջիկներ» ճապոնական շոուին։
2013 թվականին Նանան մասնակցել է «Nylon» նորաձևության ցուցադրությանը։ Ապրիլին կայացել է «Ma Boy 3» electroboyz սինգլի պրեմիերան, որտեղ նա հանդես է եկել որպես հրավիրված արտիստ։ Նույն թվականին աղջիկը երկրորդ տեղն Է զբաղեցրել «հարյուր ամենագեղեցիկ դեմքերի» ցուցակում, իսկ արդեն 2014 և 2015 թվականներին զբաղեցրել է առաջին տեղը։
2014-ներկա. Դերասանական կարիերա
2014 թվականի մարտին հայտնի դարձավ, որ Նանան կմասնակցի «Հարևաններ» ռեալիթի շոուին։ Հաջորդ ամիսին դարձել է «Ոճի ամսագիր» շոուի հաղորդավարներից մեկը։ Օգոստոսին դարձել է «Մուսան զգեստի համար» չինական նորաձևության շոուի մասնակիցը, որտեղ գրավել է երկրորդ տեղը։ Նոյեմբերի 6-ին տեղի է ունեցել «Նորաձևության արքան» ֆիլմի պրեմիերան, որտեղ Նանան էպիզոդիկ դեր է կատարել։ 2015 թվականի սկզբին նա դեր է ստացել «Սերը հազարամյակի միջով» չինական դորամայում, որը հանդիսանում է «Ին Հյոն թագուհու տղամարդը» կորեական սերիալի ռեմեյքը։ Նույն թվականին նկարահանվել է «Առաջ, Լալա» սիքվելի «Առաջ, Լալա 2» չինական կատակերգությունում։
2016 թվականի փետրվարին Նանան դարձել է «Իսկական տղամարդիկ» շոուի չորրորդ եթերաշրջանի մասնակիցը։ Ավելի ուշ ընտրվել է «Լավ կին» նույնանուն ամերիկյան հեռուստասերիալի կորեական ռեմեյքում երկրորդական դերի համար։ Քիմ Դանի դերի համար նա Asia Artist Awards-ում արժանացել է «Լավագույն նորեկ դերասանուհի» մրցանակին։ Փոքր էկրաններում հաջողության հասնելու շնորհիվ, ավելի ուշ Նանան դեր է ստացել «Խարդախները» ֆիլմում։ 2017 թվականին նա ընտրվել է «Չորս որդի» դորամում կանանցի գլխավոր դերի համար, սակայն որոշել է լքել նախագծը։
2019 թվականի մարտին տեղի է ունեցել «Սպանիր» քրեական դորամայի պրեմիերան, որտեղ նա կատարել է գլխավոր դերը։ Մայիսին After School-ի նախկին մասնակից Լիզին հայտարարել էր խմբի ոչ պաշտոնական լուծարման մասին՝ հաշվի առնելով յուրաքանչյուր մասնակցի անհատական գործունեությունը, սակայն Pledis Entertainment-ի պաշտոնական հայտարարություն չի տվել։ Հուլիսին սպասվում է "Արդարություն" դորամայի պրեմիերան»։