პირადი მონაცემები | |||
---|---|---|---|
დაბადების თარიღი | 27 მარტი, 1986 | ||
დაბადების ადგილი | გელზენკირხენი გერმანია | ||
სიმაღლე | 193 სმ | ||
სათამაშო პოზიცია | მეკარე | ||
საკლუბო ინფორმაცია | |||
მიმდინარე კლუბი | ბაიერნი | ||
ნომერი | 1 | ||
ახალგაზრდული კარიერა | |||
1991–2005 | შალკე 04 | ||
პროფესიონალური კარიერა* | |||
წლები | გუნდი | მატჩი | (გოლი) |
2006-2011 | შალკე 04 | 156 | (0) |
2011– | ბაიერნი | 290 | (0) |
ეროვნული ნაკრები‡ | |||
2009- | გერმანია | 106 | (0) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 19 ოქტომბერი, 2021 ‡ ეროვნული ნაკრების მატჩი და გოლი ბოლოს განახლდა: 29 აპრილი, 2021 |
მანუელ ნოიერი (გერმ. Manuel Neuer; დ. 27 მარტი, 1986) — გერმანელი ფეხბურთელი, გერმანიის ბუნდესლიგის კლუბ „ბაიერნის“ და გერმანიის ეროვნული ნაკრების მეკარე. ცნობილია შესანიშნავი რეაქციით და ბურთის განაწილების უნარით. არის 2014 წლის მსოფლიოს ჩემპიონი და ოქროს ხელთათმანის მფლობელი.
ნოიერმა პროფესიონალური კონტრაქტი გააფორმა 2005 წელს მისი მშობლიური ქალაქის კლუბის, „შალკე 04-ს“ ყველა ასაკობრივ გუნდში წარმატებული გამოსვლის შემდეგ. მისი დებიუტი ბუნდესლიგაში შედგა 2006-2007 წლების სეზონში, როცა მოედანზე გამოჩნდა დაშავებული ფრანკ როსტის ნაცვლად. 20 წლის მეკარე ძირითად შემადგენლობაში მოხვდა მას შემდეგ, რაც როსტი დაშავდა „მიუნხენის ბაიერნთან“ მატჩის წინ.
2011 წლის 1 ივნისს „შალკე 04“ და „ბაიერნი“ შეთანხმდნენ, რომ ნოიერი გადავიდოდა მიუნხენურ კლუბში 2011 წლის ივლისში. კლუბს და ნოიერს შორის გაფორმდა ხუთწლიანი კონტრაქტი, რომლის ვადაც იწურებოდა 2016 წელს, თუმცა ნოიერმა კონტრაქტი გაახანგრძლივა. ტრანსფერის ფასი იყო €22 მილიონი და ნოიერი გახდა მეორე ყველა დროის ყველაზე ძვირადღირებული მეკარე.
|
|